Gizartea -
KORONABIRUSA
Pertsona immunodeprimituei covid-19aren aurkako txertoaren laugarren dosia emango zaie
Osasun Publikoaren Batzordeak azaldu duenez, azkeneko dosia hartu zutenetik bost hilabete igarotzen direnean jasoko dute laugarrena.
AGENTZIAK | EITB MEDIA
Pertsona immunodeprimituei covid-19aren aurkako txertoaren laugarren dosia emango diete, azkeneko dosia hartu zutenetik bost hilabetera. Hala erabaki dute gaur Espainiako Osasun Ministerioko eta erkidegoetako ordezkariek osatzen duten Osasun Publikoaren Batzordean.
Kolektibo horretan arrisku handiko pertsonak daude: fibrosia kistikoa dutenak, transplantatutakoak, dialisia dutenak edo minbizia daukatenak, besteak beste.
Horrez gain, Osasun Publikoaren Batzordeak beste bi erabaki hartu ditu ostegun honetan: 18 urtetik gorako pertsonei errefortzurako dosia ematea eta dosi hori jartzeko denbora-tartea sei hilabetetik bostera murriztea.
