Itxi

2022/01/14

16:55

Gizartea

hirigintza

Bilbok Kanaleko Pasealekua inauguratu du, Zorrotzaurreko plan bereziko lehen bide berria

agentziak | eitb media

Bi kilometro baino gehiagorekin, hiriko biderik luzeena bilakatu da, eta kale-izendegiko 919. kalea.

  • Kanaleko Pasealeku berria, Zorrotzaurren. Argazkia: Bilboko Udala

    Kanaleko Pasealeku berria, Zorrotzaurren. Argazkia: Bilboko Udala

  • Whatsapp
  • Whatsapp
  • Bidali

Juan Mari Aburto Bilboko alkateak, udalbatzeko zenbait ordezkarirekin batera, Kanaleko Pasealekua inauguratu du ostiral honetan, Zorrotzaurreko Plan Bereziko lehen bide berria.

Izen berri hori Deustuko barrutiko auzo-elkarteen parte-hartze bidezko prozesu baten emaitza da, eta haiek ere izan dira inaugurazio-ekitaldian, Bilboko Udaletik jakitera eman dutenez.

Aburto alkateak herritarren lankidetza azpimarratu du eta gogora ekarri du bizilagunen parte-hartzeari esker beste hiru kale-izen erabaki dituztela: San Ignazioko zubia, Galletaginak eta Sabina de la Torre, Zorrotzaurreko ingurunean guztiak.

Hala, Bilboko alkateak azpimarratu duenez, "Zorrotzaurre aurrerapausoak ematen ari da berroneratzerantz, berreraikitzerantz, gure apustu handirantz: Bilbo uri berritzailea, ingurumenerako jasangarria, unibertsitate-uria eta uri sortzailea izan dadila". Bilbotar guztientzako espazio berri bat sortzeko asmoa dute, "ikasteko, lan egiteko, ondo pasatzeko eta bizitzeko".

Kanaleko pasealekuarekin, Bilboko kale-izendegian 919 kale daude unean.

  • Bisitatuena

      Kargatzen ikusiena
      Kargatzen ikusiena
    ;