Itxi

2022/01/15

20:00

Gizartea

Koronabirusa

Nafarroan 1.854ra jaitsi da positibo kopurua, baina pertsona bat hil da eta 27 ospitaleratu dituzte

agentziak | eitb media

Gaur egun 253 pertsona daude covid-19arekin ospitaleratuta Nafarroan, eta horietako 35 daude ZIUetan.

  • Haur txertaketa. Argazkia: Efe

    Haur txertaketa. Argazkia: Efe

  • Whatsapp
  • Whatsapp
  • Bidali

Azken 24 orduetan behera egin du covid-19aren positibo kopuruak Nafarroan, eta 1.854 zenbatu dituzte, bezperan baino 400 gutxiago. Hala ere, pertsona bat hil da eta 27 ospitaleratu behar izan dituzte, horietako bat, ZIUn.

Hori horrela, Foru Gobernuak zabaldutako datuen arabera, positibotasuna % 45,1ekoa izan zen 4.111 proba egin ostean, eta gaur gaurkoz 253 pertsona daude ospitaleratuta birusak jota, horietako 35, ZIUetan.

Txertaketari dagokionez, atzo 7.899 dosi eman zituzten, ondorioz, 1.290.315 eman dituzte kanpaina hasi zenetik, eta 541.936 nafarrek bete dute txertaketa ibilbide osoa.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;