Gizartea -

Koronabirusa

Autotest positiboak jakinarazi behar dituztela gogorarazi die Dariasek erkidegoei

Euskal Autonomia Erkidegoak, adibidez, ez ditu farmazietan erosten diren proba diagnostikoen positiboak jakinarazten.

Carolina Darias Osasun ministroa. Argazkia: EFE
Carolina Darias Osasun ministroa. Argazkia: EFE
Carolina Darias Osasun ministroa. Argazkia: EFE

Agentziak | EiTB Media

Whatsapp Facebook Twitter Telegram Email

Test autodiagnostikoen positiboak jakinaraztera derrigorturik daudela gogorarazi die Carolina Darias Osasun ministroak erkidegoei, pazientearen historia klinikoan agertu behar direlako covid-19a igaro dutela jakiteko.

Osasun Sistema Nazionalaren Lurralde Arteko Kontseiluan Osasun arduradunak ohartarazi ditu ministroak. Ondoren, prentsaurrekoan, Ministerioa txertaketa ziurtagirietan antigeno testak onartzeko lanean ari dela esan du Dariasek; izan ere, orain PCR probak bakarrik jasotzen dituzte.

Euskadi, Madril eta Andaluzia erkidegoek, esaterako, ez dituzte farmazietan erosten diren proba diagnostikoen positiboak jakinarazten.

Urtarrilean erabilera profesionaleko bost milioi antigeno test erosteko premiazko kontratua sinatu duela iragarri du ministroak, omikron aldaeraren eraginez kutsatuen kopuruak gora egin duelako eta erkidegoen eskaria areagotu delako.

Hau zure interesekoa bada, baliteke beste gai hauek ere izatea
Euskal Autonomia Erkidegoa albisteak Espainiako Gobernua Espainia Gaixotasunak Gizartea Eguneko albisteak Albisteak Osasun albisteak Sendagaiak Txertoak Koronabirusa