Ekonomia -

Ezbeharra

Langile bat hil da Eibarren, lan istripu batean

5 metrotik erorita hil da 60 urteko gizonezkoa. Ezbeharra 11:15 aldera gertatu da. Nahiz eta larrialdi zerbitzuek behargina artatu eta Donostia Ospitalera eraman, 17:00etan heriotzaren berri eman dute.

60 urteko behargin bat hil da Eibarren (Gipuzkoa). EiTB Mediak bideo batetik ateratako irudia
60 urteko behargin bat hil da Eibarren (Gipuzkoa). EiTB Mediak bideo batetik ateratako irudia
60 urteko behargin bat hil da Eibarren (Gipuzkoa). EiTB Mediak bideo batetik ateratako irudia

EITB Media

Whatsapp Facebook Twitter Telegram Email

60 urteko langile bat hil da Eibarren (Gipuzkoa), bost metroko altueratik erorita. Proyectos y Reformas Leire enpresarentzat lan egiten zuen hildakoak.

EiTB Mediak azaldu duenez, behargina pabiloi bateko teilatua konpontzen ari zen, itoginak konpontzen, hain zuzen ere. Halako batean kubierta zapaldu eta erori egin da.

LAB sindikatuak Twitter sare sozialean salatu duenez, 14 langile zendu dira aurten lan istripuz, horietatik bost altueratik erorita; "hau da, neurri egokiak hartuz gero erabat ekidin daitekeen lan istripu motaren ondorioz". "Odoluste honek erantzuleak ditu", erantsi du sindikatu abertzaleak.

Ezbeharra 11:15 aldera gertatu da. Nahiz eta larrialdi zerbitzuek behargina artatu eta Donostia Ospitalera eraman, 17:00etan heriotzaren berri eman dute.

Osalanek ikerketa jarri du martxan.

Hau zure interesekoa bada, baliteke beste gai hauek ere izatea
Lan-istripuak Gipuzkoa Eibar Lana Gizartea Ekonomia albisteak Eguneko albisteak Albisteak Euskal sindikatuak Enpresak