Gizartea -

Indarkeria matxista

Gizon batek emaztea eta alaba hil ditu Gironan

Esquadra Mossoak eta Lloret de Marreko Udaltzaingoa bertaratu dira biktimaren anaiak salaketa aurkeztu ondoren. Bi emakumeen gorpuak aurkitu dituzte etxean, arma zuriaren zauriekin.

Agentziak | EiTB Media

Whatsapp Facebook Twitter Telegram Email

Gizon batek bere emaztea eta alaba hil ditu Lloret de Marreko (Girona) etxebizitza batean. Senarraren gorpua ere topatu dute. Aurreneko ikerketen arabera, krimen bikoitza egin eta bere buruaz beste egin du gizonak.

Ikerketako iturriek jakitera eman dutenez, hildakoak senar-emazteak eta haien alaba dira. Emakumearen anaia astelehenetik bilatzen ari zen.

Esquadra Mossoak eta Lloret de Marreko Udaltzaingoa bertaratu dira biktimaren anaiak salaketa aurkeztu ondoren. Bi emakumeen gorpuak aurkitu dituzte etxean, arma zuriaren zauriekin. Aitaren gorpua, aldiz, patioan topatu dute.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Katalunia Indarkeria matxista Gizartea Indarkeria matxistaren biktimak Eguneko albisteak Albisteak Matxismoa Feminismoa

Informazio gehiago