Gizartea -

JAIAK

Arabarrek San Prudentzio eguneko ohiko erromeriaz gozatu dute berriro Armentian

Goizeko lehen ordutik, ehunka lagun joan dira Armentiako zelaietara San Prudentzio eguna ospatzeko.

Armentia San Prudentzio egunean (artxiboko irudia). EITB Mediako bideo batetik ateratako irudia
Armentia San Prudentzio egunean (artxiboko irudia)
Giro ona Armentian, eguraldiak gehiegi lagundu ez arren

0:38

EITB MEDIA

Whatsapp Facebook Twitter Telegram Email

Bi urteko etenaldiaren ondotik, San Prudentzio jaiak bueltan dira. Bart hasi da festa, erretretaren eta danborradaren doinuekin, eta gaur, Arabako zaindariaren egunean, Armentiako zelaiak jendez bete dira. Goizeko lehen ordutik, ehunka lagun joan dira bertara San Prudentzio eguna ospatzeko.

Bart, erretretaren eta San Prudentzio martxaren doinuak etxeetako ohiko agertokietara itzuli dira.

Tronpetariek eta atabalariek ohiko doinuak jo dituzte, Plaza Berrian lehenik eta Probintzia Plazan gero.

San Prudentzio Gasteizen. Irudia: EITB Media

Afalostean, 23:30etik aurrera, elkarte gastronomikoetako kideak Gasteizko erdiguneko kaleetatik barrena ibili dira danborra joaz. Danborrada izan da, dudarik gabe, jai-gau luze baten ekitaldi nagusia.

San Prudentziori "santu pixontzia" deitu izan diote, eta 2022 honetan ere, ohiturari jarraituko dio. Aterkia aldean eraman beharko dute herritarrek, tarteka zaparradak botatzea aurreikusi baitu Euskalmetek.

Gaur, San Prudentzio egunez, Armentiako basilikaren inguruetara eraman dute jaia, erromeria egin baitute.

Elkarte gastronomikoak ere prest daude, eta arabarrek egun hauetan ohikoak diren jakiak jango dituzte, perretxiko nahaskia eta barraskiloak, bereziki.

Hau zure interesekoa bada, baliteke beste gai hauek ere izatea
Araba Euskal Autonomia Erkidegoa San Prudentzio Gizartea Eguneko albisteak Gasteiz Albisteak Jaiak