Gizartea -
Gaixotasunak
Tximino-baztanga lehen kasua baieztatu dute Nafarroan
Carlos Artundo Osasun zuzendari nagusiak adierazi duenez, "dagokion garrantzia eman behar zaio, hau da, ez oso handia; estrategia logikoa da, harreman estuen jarraipena egitea, eta horixe egingo da".
EiTB Media
Nafarroan atzemandako tximino-baztanga kasu susmagarria positiboa dela baieztatu du Carlos Artundo Osasun zuzendari nagusiak. Kazetarien galderei emandako erantzunean baieztatu du positiboa, prentsaurrekoan.
Artundok esan duenez, "dagokion garrantzia eman behar zaio, hau da, ez oso handia; estrategia logikoa, harreman estuen jarraipena egitea da, eta horixe egingo da. Estatu mailako protokoloa da, eta zentzua du, beraz, horixe egingo da. Kasuak agertu diren gainerako erkidegoetan egin den gauza bera".
Tximino-baztangaren inguruko "morbo informatiboa" kritikatu zuen Artundok asteazkenean, "biztanleriaren osasunean eragin negatiboa duelako".
"Eman beharreko garrantzia, hau da, ez oso handia", ematea eskatu zuen. Pertsona kutsatua "bere etxean" dagoela jakitera eman zuen asteazkenean, "lasai, ez du aparteko larritasunik".