Gizartea -
eguraldia
Txingorra bota du ostiral arratsaldean Gipuzkoan
Zaparrada handiak protagonista izan dira Gipuzkoan arratsaldeko lehen orduetan, zenbait lekutan txingorrak ere lagunduta. Trumoi ekaitza mendebaldera doa orain, eta abisu horia ezarri dute datozen orduetarako.
eitb media
Gipuzkoako zenbait zonaldetan, barnealdean batik bat, txingor zaparrada mardulak hasi dira ostiral arratsaldeko lehen orduetan. Trumoi ekaitza ipar mendebaldera doa orain, Euskalmeten esanetan, eta Aemetek abisu horia ezarri du ekaitzengatik.
Euskal agentzia meteorologikoaren datuen arabera, 20 minutuan 19,6 litro bota du metro karratuko Bidanian, eta 16,2 litro 10 minutuan; 18,1 litro metro karratuko Matxinbentan; 9,4 Belauntzan; 8,1 Zizurkilen eta 5,2 Araxesen.
Arabako ekialdean ere izan dira zaparradak. Hain zuzen ere, Ozaetan 5,9 litro bota ditu metro karratuko 20 minutuan.
Bizkaiko hego-ekialdean ere bota du, esaterako, Atxondon.