Gizartea -
Delituak
Besarkada metodoaren bidez Nafarroan egindako lapurreta kopuruaren gorakadaz ohartarazi dute
Duela gutxi horrelako lapurretak salatu dituzte Irurtzunen, Olatzagutian, Altsasun, Iruñean eta Noainen. Biktimarengana adeitsu hurbiltzean eta oharkabean objektu baliatsuak kentzean datza lapurreta mota hau.
AGENTZIAK | ERREDAKZIOA
Besarkada metodoaren bidez egindako lapurreta kopuruaren gorakadaz ohartarazi du Foruzaingoak. Izan ere, aspaldiko partez horrelako lapurretak salatu dituzte Irurtzunen, Olatzagutian, Altsasun, Iruñean eta Noainen.
Euskadin bereziki lanean dabiltzan taldeak dira, emakumek osatutakoak dira gehienbat, eta hurbiltasuna dela eta, Nafarroan ere lapurretak egiten dabiltzanak, Foruzaingoak ohar baten bidez jakinarazi duenez.
Biktimarengana, normalean adinekoa eta bakarrik paseoan dabilena, adeitsu hurbiltzean eta oharkabean objektu baliatsuak kentzean datza lapurreta mota hau. Foruzaingoak gomendatu duenez, pertsona ezezagunei gehiegi hurbiltzea galarazi behar zaie.
Gainera, saihestu behar da kaletik bakarrik ibiltzea, gainean balio handiko objektu handiak eramatea, objektu horien itxigailuak berrikustea eta horien argazkiak gordetzea, lapurreta kasuan, salatzeko baliagarriak direlako.