Kutsatzeek behera egin dute Euskadin lehen aldiz azken hilabetean

37 pertsona hil dira azken astean Euskadin covid-19aren ondorioz, duela zazpi egun baino 11 gehiago. Hala ere, ez da ia aldaketarik izan ingresatu kopuruari dagokionez. Igande honetan 666 pertsona zeuden ospitaleratuta EAEko erietxeetan, duela astebete baino 9 gutxiago. Zainketa Intentsiboetan, 34 gaixo zeuden, duela zazpi egun baino bi gehiago.

Azpimarratzekoa da intzidentzia metatua lehen aldiz jaitsi egin dela, duela hilabete etengabe igotzen hasi zenetik. Joera-aldaketa horiren arrazoia kutsatzeen beherakada da; izan ere, % 28 egin dute behera covid kasuek. Eusko Jaurlaritzako Osasun Sailak astelehen honetan argitaratu duen azken buletin epidemiologikoaren arabera (uztailaren 11tik 17ra bitarteko datuak), 6.828 kasu positibo erregistratu dira, eta aurreko astean, berriz, 9531.

Osasun Sailak astelehen honetan argitaratu duen azken buletin epidemiologikoaren arabera (uztailaren 11tik 17ra bitarteko datuak biltzen ditu), 6.828 kasu positibo atzeman dira asteon (aurrekoan 9.531 izan ziren). Astean zehar egindako 23.186 proba diagnostikoekin alderatuta, positiboen tasa % 29,4koa da.

Txostenaren arabera, horietatik 4.431 60 urtetik gorako pertsonak dira. Talde horretan, 100.000 biztanleko 14 eguneko intzidentzia-tasa metatua 1.561era igo da (astebete lehenago 1.654 zen). Biztanleria orokorrean, berriz, intzidentzia-tasa 745ekoa da, eta aurreko astean 793koa izan zen.

Intzidentzia metatuaz gain, oinarrizko ugalketa-kopuruak ere behera egin du 1etik behera kokatuz. Zehazki, igande honetan 0,80an zegoen Euskadin, eta aurreko igandean adierazle hori 1,07koa zen.

EAEko ospitaleetan 666 gaixo zeuden atzo covid19ak jota, aurreko astean baino bederatzi gutxiago. Horiez gain, zainketa intentsiboetako unitateetan 34 pertsona daude, aurreko astean baino bi gehiago.

Bestalde, Osasun Sailak jakinarazi du azken astean 37 pertsona hil direla koronabirusarekin, aurreko astean baino 11 gehiago.