Agurain eta Dulantzi artean piztutako sutea itzali dute

Ostiral arratsalde honetan Agurain eta Dulantzi artean (Araba) piztutako sutea bart itzali dute dagoeneko, Segurtasun Sailak jakitera eman duenez.

Suteak tren baten txinpartak eragin zituela da hipotesi nagusia; Agurain eta Dulantzi arteko bidean dozena bat sute-txiki piztu ziren 17:00ak aldera, baina dagoeneko suhiltzaileek kontrolpean dituzte.

Zerealak landatzeko lur-sailei eragin die batez ere suak; 13 bat hektarea erre dira denera. Ur-hegazkinak aire bidez eta su-hiltzaileak nekazarian laguntzarekin lurrean aritu ziren itzaltze lanetan. 

Suteek eragina izan zuten tren zerbitzuan eta errepide sarean; ia bi orduz itxi egin zuten A-1 autobidea Agurain parean bi norabideetan, eta Donostia eta Gasteizko arteko tren zerbitzua itxi egin behar izan zuten. Dagoeneko ireki dituzte biak.

0:32