Gizartea -

Emakumeen aurkako indarkeria

44 urteko emakume baten hilketa genero indarkeria gisa ikertzen ari dira Sevillan

Itotze zantzuak ditu emakumearen gorpuak. Horrekin batera, kolpe eta zauri anitz dituen gizonezko baten hilotza ere aurkitu dute.

Hilotzak aurkitu dituzten lekuaren irudietako bat. Argazkia: EFE
Hilotzak aurkitu dituzten lekuaren irudietako bat. Argazkia: EFE
Hilotzak aurkitu dituzten lekuaren irudietako bat. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Emakumezko eta gizonezko baten hilotzak, indarkeria zantzuekin, aurkitu ditu larunbat goizalde honetan Sevillako Udaltzaingoak Abengoa enpresaren egoitza zaharretik hurbil dagoen transformadore baten barruan. Genero Indarkeriaren Aurkako Gobernuko Ordezkaritzak iragarri duenez, genero indarkeria gisa ari dira auzia ikertzen.

Polizia Nazionaleko iturriek baieztatu dutenez, 44 urteko emakumearen gorpuak itotze zantzuak ditu. Gizonarenak, berriz, kolpe eta zauri anitz ditu bizkarrean. Baliteke sastatua izatea.

Hilotzak Auzitegi Medikuntzako Institutura eraman dituzte, autopsia egin diezaieten. Polizia zientifikoak ikerketa abiatu du.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Andaluzia Tratu txarrak Indarkeria matxista Gizartea Eguneko albisteak Albisteak

Informazio gehiago