Gizartea -

Indarkeria matxista

Gizon bat atxilotu dute Arguedasen, emaztea sastatzea eta larri zauritzea egotzita

Larrialdi zerbitzuek 44 urteko biktima Tuterako Sofia Erregina Ospitalera eraman behar izan dute.

Atxiloketaren unea Arguedasen (Nafarroa): Argazkia: EFE
Atxiloketaren unea Arguedasen (Nafarroa): Argazkia: EFE
Atxiloketaren unea Arguedasen (Nafarroa): Argazkia: EFE

Agentziak | EITB Media

Whatsapp Facebook Twitter Telegram Email

Guardia Zibilak gizon bat atxilotu du Arguedasen (Nafarroa), minutu batzuk lehenago emaztea etxean sastatzea egotzita.

Hiru labankada eman dizkio, eta horietako batek emakumea larri zauritu du. Biktima ospitalera eraman behar izan dute.

50 urteko gizonezkoa aldameneko kale batean atxilotu dute, Guardia Zibilak zehaztu duenez.

Atxilotuak guardia zibilei aurre egin die, nahiz eta ordurako arma zuririk eskutan ez izan. Hala ere, erasoan erabilitako labana berreskuratu ahal izan dute agenteek.

Larrialdi zerbitzuek 44 urteko biktima Tuterako Sofia Erregina Ospitalera eraman behar izan dute. Atxilotuak indarkeria matxistaren aurrekaririk ez zuela esan dute iturriek.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Indarkeria matxista Nafarroa Gizartea Indarkeria matxistaren biktimak Eguneko albisteak Albisteak Matxismoa

Informazio gehiago