Gizartea -

IZENBURU NAGUSIAK

Albiste izango dira: Txertaketa kanpaina EAEn, erreferendumak Ukrainan eta balizko itunak aztergai

Gaurkoan albiste izango direnen laburpena, hitz bitan.

Sagarduik gaur aurkeztuko du txertaketa kanpaina. EFE
Pertsona bat, txertoa jasotzen.
Sagarduik gaur aurkeztuko du txertaketa kanpaina. EFE

EITB MEDIA

Whatsapp Facebook Twitter Telegram Email

Ondorengo gaiek hartuko dituzte gaur, irailak 23, hedabideetako lerroburu nagusiak:

- Txertaketa kanpaina aurkeztuko dute EAEn: Gotzone Sagardui Eusko Jaurlaritzako Osasun sailburuak gripearen eta koronabirusaren kontrako txertaketa kanpaina aurkeztuko du goizean. Urrian hasiko da.

- Errusiarzaleek erreferendumak egingo dituzte Ukrainan: Donetsken, Luhansken, Khersonen eta Zaporizhian deitu dituzte gaurtik aurrera eta hilaren 27ra arte. Vladimir Putin Errusiako presidenteak Ukrainan "mobilizazio militar partziala" egitea agindu osteko testuinguruan egingo dituzte. 

- Balizko itunak, aztergai EITBn: Iñigo Urkullu lehendakariak "herri akordio"en garrantzia azpimarratu zuen atzokoan. Horri buruz mintzatuko dira Maddalen Iriarte (EH Bildu), Euskadi Irratian; Idoia Mendia (PSE-EE), Radio Euskadin; Miren Gorrotxategi (Elkarrekin Podemos), ETBn, eta Igor Arroyo (LAB), Radio Vitorian. 

Hau zure interesekoa bada, baliteke beste gai hauek ere izatea
Berriak Politika Iñigo Urkullu Lehendakaria Ukraina gaur LAB albisteak Vladímir Putin Eusko Jaurlaritzako bigarren lehendakariordea Alderdi politikoak Gizartea bideoak Eguneko albisteak Albisteak Maddalen Iriarte Gripea gaur Koronabirusaren Eris aldaera gaur Miren Gorrotxategi albisteak Errusia-Ukraina gerra azken ordukoa