Lotura-trenak Sestao eta Areetako metro geltokiak 4 minututan lotu, eta 180.000 bidaia saihestuko ditu urtean

Bilboko itsasadarraren azpitik egiten ari diren tunela multimodala izango da, eta bi ertzetako ibilgailuen trafikoa ez ezik, Bilboko metroko 1. eta 2. lineak lotuko ditu. Ur azpitik igaroko den lotura-trenak lau minututan lotuko ditu Sestaoko eta Areetako metro geltokiak, eta 180.000 bidaia saihestuko ditu urtean.

Imanol Pradales Bizkaiko Foru Aldundiko Azpiegitura eta Lurralde Garapeneko diputatuak Bilboko itsasadarraren azpiko tunel multimodalaren xehetasunak eman ditu gaur goizean.

Hasiera batean, ibilgailuentzako baino ez zen tunela, azkenean, multimodala izango da. Horregatik, hasierako aurrekontua 185 milioi eurotan handituko da, 600 milioi eurora iritsi arte.

Eraikuntza proiektua 2023ko udan amaituko dute, lanak 2024an hasiko dituzte, eta azpiegitura 2028an martxan jartzea aurreikusten dute.