Gizartea -

Hondamendi naturala

215 bale pilotu hil dira Zeelanda Berrian, irla batean lehorreratuta geratu ostean

Chathamn irletan jazo da. Bizirik aurkitutako baleak sakrifikatu behar izan dituzte, "sufrimendu gehiago saihesteko". Ezin izan dituzte flotarazi marrazoen erasoen arriskuagatik.

Baleak, Zelanda Berriko irla batean lehorreratuta. Argazkia: Tamzin Henderson
Baleak, Zelanda Berriko irla batean lehorreratuta. Argazkia: Tamzin Henderson
Baleak, Zelanda Berriko irla batean lehorreratuta. Argazkia: Tamzin Henderson

AGENTZIAK | EITB MEDIA

Whatsapp Facebook Twitter Telegram Email

Zeelanda Berriko talde ekologista batek larunbat honetan jakitera eman duenez, 215 bale pilotu hil dira, Chatham irleetako hondartza batean lehorreratuta geratu ostean, Zeelanda Berriko Hegoaldeko Irlatik 840 kilometrora.

"Lehorreratze masibo horiek oso estugarriak dira, eta berriz flotarazi ahal izatea espero dugu beti, baina kasu honetan ez da posible izan", azaldu du Project Jonah taldeak.

Kalderoi izenarekin ere ezagutzen diren bale pilotu horietako asko hilik aurkitu dituzte, eta bizirik zeudena sakrifikatu behar izan dituzte, "sufrimendu gehiago saihesteko", Zeelanda Berriko Kontserbaziorako Saileko arduradunen hitzetan.

Imagen aérea de las ballenas varadas. Foto: Tamzin Henderson

Bare Itsasoan kokatuta dauden Chatham irletan 800 pertsona baino gutxiago bizi dira, eta baleak aurkitu dituzten lekua sarrera oso zaila du. "Marrazoen erasoak izateko arriskua oso handia da gizakientzat eta baita baleentzat ere", azaldu dute.

Australiako eta Zeelanda Berriko hegoaldean sarritan lehorreratzen dira baleak eta bestelako itsas ugaztunak, eta arrazoiak ez daude argi: gaixotaunak, erroreak nabigazioan, harrapakarien jazarpenak, bat-bateko aldaketak itsasaldietan nahiz muturreko baldintza meteorologikoak.

Hau zure interesekoa bada, baliteke beste gai hauek ere izatea
Klima-aldaketa Gizartea Eguneko albisteak Albisteak Animaliak Ozeania