Gizartea -

GRIPEA

Herritar orok eska dezake gripearen aurkako txertoa hartzeko hitzordua Osakidetzan

Orain arte, Osakidetzak gripearen aurkako 330.788 dosi jarri ditu kolektibo zaurgarrienetan. Dagoeneko, eska daiteke hitzordua Osakidetzaren webgunearen bitartez edo osasun zentrora deituz.

Gripearen aurkako txertoa. Artxiboko argazkia: EFE
Gripearen aurkako txertoa. Artxiboko argazkia: EFE
Gripearen kontrako txertoa nahi duten guztiek hartzeko aukera izango dute gaurtik EAEn

1:17

EITB Media

Whatsapp Facebook Twitter Telegram Email

Osakidetzak gripearen aurkako txertaketa kanpainarekin jarraitzen du, eta, gaurtik aurrera, herritar orok hitzordua eskatu ahalko du, kolektibo zaurgarri bateko kide izan ala ez. Urriaren 3an kanpaina abiatu zuenetik, Osakidetzak 330.788 dosi jarri ditu kolektibo zaurgarrienetan. Horietatik 255.081 pertsonak hartu dute covid-19aren errefortzu dosia, Eusko Jaurlaritzako Osasun Sailak jakinarazi duenez.

Gaurtik aurrera, nahi duten pertsona guztiei emango zaie gripearen aurkako txertoa. Hala ere, 60 urtetik gorakoei eta arrisku taldeei soilik eskainiko zaie covid-19aren errefortzu dosia Espainiako Osasun Publikorako Batzordeak ez baitu herritar ororentzat horrelakorik onartu.

Dagoeneko, gripearen aurkako txertoa hartzeko hitzordua eska daiteke Osakidetzaren webgunearen bitartez edo osasun zentrora deituz.

Bestalde, Osakidetzak txertaketari buruzko zalantzak argitzeko informazioa argitaratu du webgunean.

Hau zure interesekoa bada, baliteke beste gai hauek ere izatea
Osakidetza Azken ordukoa Bizkaia Gipuzkoako albisteak Araba EAE Gizartea albisteak Prentsa digitalaren azken orduko Gaurko azken ordukoa Osasunari buruzko albisteak Gripea azken ordukoa