Gizartea -
Genero indarkeria delitua
Ilobari gasolina bota zion gizonezkoa espetxean sartu dute, Beasainen
Berriz atxilotu zuten asteartean, bikotekideak haren aurkako salaketa jarri ostean, ustez, eraso egin ziolako.
Erredakzioa
Arratsaldean, espetxean sartu dute "Boomer" ezizeneko gizonezkoa (31 urte). Delitu asko egotzi izan dizkiote azken urteetan. Azken hamar egunetan, esaterako, hiru aldiz atxilotu dute.
Joan den astelehenean, Ordizian, senitartekoei eraso egin zien, eta bilobari, ustez, gasolina gainetik bota eta su emango ziola esanez mehatxu egin zion.
Egun bat geroago, Beasainen atxilotu zuten, berriro, motozikleta bat lapurtu zuelakoan. Atzo, bikotekideak salaketa jarri zuen, eraso egitea egotzita. Salaketaren arabera, azken hilean hainbat kolpe eman dizkio; azkenekoz, ibilgailu baten ateaz jo zuen.
Ondorioz, gizonezkoa atxilotu egin dute Beasainen ustezko genero indarkeria delitua egotzita.
Azken honekin 36. atxiloketa du gizonezkoak, gehienak, ondasunen aurkako delituengatik, enpresetan, dendetan eta ibilgailuetan lapurtzeagatik eta atxilotzerakoan erresistentzia jartzeagatik. Gainera, beste 30 aldiz sartu dute dagoeneko espetxean.
