Bi haur zauritu dira, bizikletan zihoazela, auto batek harrapatuta

7 eta 11 urteko haur bi zauritu dira igande honetan Iruñako Zaragoza etorbidean izandako istripu batean. Ezbeharra 13:52ean jazo da, umeak bizikletan zihoazela, ibilgailu batek haurrak harrapatu dituenean, Nafarroako Gobernuak jakitera eman duenez.

Adingabeak Nafarroako Ospitalera eraman dituzte eta Iruñako Udaltzaingoak ikerketa bat abiatu du istripuaren nondik norakoak argitzeko.