Gizartea -
Indarkeria matxista
Gizon bat atxilotu dute Gasteizen, genero indarkeriako delitu bat egotzita
Atxilotutako gizonak 37 urte ditu. Bikotekideari eraso eta aurpegian lesioak eragin izana leporatzen diote.
EITB MEDIA
Gasteizko Udaltzaingoak 37 urteko gizon bat atxilotu du, genero indarkeriako delitu bat egotzita. Hain zuzen ere, bikotekideari eraso eta aurpegian lesioak eragin izana leporatzen diote.
Atxiloketa ostegun goizaldean egin dute. Orduan, emakume batek laguntza eskatu zion, bere bikotekideak eraso baitzion, eztabaida batean, Olaranbe hiribidean.
Udaltzainek etxe barruan topatu zituzten bi pertsonak, Udalak ohar bidez jakitera eman duenez. Emakumeak lesioak zituen aurpegian, eta udaltzainek gizona atxilotu zuten, genero indarkeriako delitu batengatik; azken horrek erasoa egin izana onartu egin zuen.
