Gizartea -
Karrantza, Gorbeia eta Urduña
38 otso eraso gertatu ziren Bizkaian iaz
Urtebetean seikoztu egin da eraso kopurua. 2022an 54 animalia hil zituzten otsoek Bizkaian: 51 ardi, 2 behi eta ostruka bat.
AGENTZIAK | EITB MEDIA
Bizkaiko Foru Aldundiak astelehen honetan esan du otsoa espezie babestua izateak "arazo handia" dakarkiola abeltzaintzari. Izan ere, 2022an, 38 eraso gertatu eta 54 animalia hil dira: 51 ardi, 2 behi eta ostruka bat.
Iraunkortasun eta Ingurune Naturala Zaintzeko Saileko ahaldun Amaia Antxustegik eman ditu datuok, agerraldian, Elkarrekin Podemos-IUk horrela eskatuta. Karrantza inguruan izandako erasoen berri izatea eskatu zion, hain zuzen ere, aipatu koalizioak.
Hantxe zehaztu du, guztira, 38 izan direla otsoek Bizkaian iaz egindako erasoak, horietatik 24 Karrantzan, 13 Gorbeian eta bakarra Urduñan.