Gizartea -

gertakariak

Txirrindulari bat larri zauritu da Mungian, auto batekin talka egin ostean

Istripua 11:00etan gertatu da, Meñakako bidegurutzean. Kaltetua helikopteroz eraman dute Gurutzetako Ospitalera.

agentziak | eitb media

Whatsapp Facebook Twitter Telegram Email

64 urteko txirrindulari bat larri zauritu da gaur, larunbata, BI-4105 errepidean, Mungian (Bizkaia), auto baten aurka talka egin ostean. Gizona helikopteroz eraman behar izan dute Gurutzetako Ospitalera, Segurtasun Sailak jakitera eman duenez. 

Ezbeharra 11:00etan jazo da, txirrindulari batek eta auto batek Meñakako bidegurutzean aurrez aurre elkar jo dutenean. Euskal Autonomia Erkidegoko Larrialdi Zerbitzuak eta osasun-langileak lekura bertaratu dira zauritua artatzera. 

Txirrindulariak zituen lesioen larritasuna ikusita, Osakidetzako helikoptero bat bidali dute biktima Gurutzetako Ospitalera eramateko.

Hau zure interesekoa bada, baliteke beste gai hauek ere izatea
Trafiko Istripuak Euskal Herrian Txirrindularitza Mungia bideoak Gizartea Eguneko albisteak Albisteak Gurutzetako Ospitalea albisteak