Gizartea -

Eguraldiaren iragarpena

Hotzak aginduko du asteon

Aste hotza datorrela diote iragarpenek, asteko tenperatura beroenak 8 graduren bueltan egongo baitira kostaldean, eta 4 graduz azpikoak izango baitira barnealdean.

Egunsenti hotza. Argazkia: Oscar Korres Larrauri
Egunsenti hotza. Argazkia: Oscar Korres Larrauri
Egunsenti hotza. Argazkia: Oscar Korres Larrauri

EITB MEDIA

Whatsapp Facebook Twitter Telegram Email

Elurrak hotzari utzi dio lekua Euskal Herriko bazter gehienetan, bai luzerako utzi ere. Aste hotza datorrela diote iragarpenek, asteko tenperatura beroenak 8 graduren bueltan egongo baitira kostaldean, eta 4 graduz azpikoak izango baitira barnealdean.

Gaur, astelehena, elur kota 200-300 metroan kokatuko da, oraindik ere, Euskal Autonomia Erkidegoan, baina prezipitazio gutxi espero da. Halere, euria egiten duen tokietan -batez ere ekialdean- badago zuritzeko aukera.

Hori dela eta, elurragatik, abisu horia dago indarrean barnealdean 03:00etatik 00:00etara. Bestalde, muturreko tenperatura baxuengatik eta izotzagatik ere ezarri dute abisu horia, -00:00etatik 10:00etara eta 20:00etatik 00:00etara- barnealdean eta Gipuzkoako kostalean.

Asteartean elur maila 300-500 metrora igoko da. Arratsaldean, gainera, are gorago zurituko du (500-700 metrotan). Orduan ere, euri gutxi botako du; Bizkaian eta Araban gehien. Dena den, indarrean jarraituko du elurragatik ezarritako abisuak; kasu honetan 00:00etatik 15:00etara.

Asteazkenerako antzeko giroa dator. Abisu horiari eutsiko diote hotzagatik eta izotzagatik -00:00etatik 10:00etara- baita elurragatik ere barnealdean -12:00etatik 00:00etara-.

Ostegun eta ostiralean bustiko omen du gehien. Elur kota, ordea, 700-1000 metrora igoko da goizean, eta 500-600 metrora jaitsiko da berriro arratsaldean.

Hau zure interesekoa bada, baliteke beste gai hauek ere izatea
Bizkaia Gipuzkoa Albisteak Nafarroa Araba Euskal Autonomia Erkidegoa albisteak Eguraldia Bilbao Gizartea Elurra Eguneko albisteak Eguneko albisteak Hotz boladak