Gizartea -

lan gatazka

Nafarroako Medikuen Sindikatuak ez du Osasun Sailaren eskaintza onartu eta grebari eutsi dio

Nafarroako Gobernuak eta Medikuen Sindikatuak negoziatzen eta jarrerak hurbiltzen jarraitzen dute, gatazka desblokeatzen saiatzeko eta otsailaren 1etik aurrera deitutako greba saihesteko.

Nafarroako Ospitalea. Artxiboko argazkia: EITB Media
Nafarroako Ospitalea. Artxiboko argazkia: EITB Media
Nafarroako Ospitalea. Artxiboko argazkia: EITB Media

agentziak | eitb media

Whatsapp Facebook Twitter Telegram Email

Nafarroako Medikuen Sindikatuak uste du "guztiz eskasa" dela Osasun Sailak egindako eskaintza ekonomikoa, eta beste proposamen batzuekin ere ez dator bat; lan gainkarga murrizteko, besteak beste. Hori dela eta, oraingoz otsailaren 1erako ezarritako grebari eutsiko dio, aurrera egiteko aukera emango dien beste bilera baten zain.

Sindikatuak ohar batean azaldu duenez, "soldata igoera asistentzia helburuen lorpenarekiko baldintzatu nahi da", medikuentzako "diskriminazioa", "ez baita beste estamentu batzuekin egin", eta, gainera, buruzagitzei % 10eko igoera lineala aplikatzea planteatu zaie, "trukean inolako prestaziorik eman gabe".

Esklusibotasunari dagokionez, sindikatuak azpimarratu du hori ezabatu beharra dagoela, horri eustea "konparaziozko bidegabekeria eta anakronismoa" dela iritzita. Era berean, uko egin dio hura kentzeak "asistentziaren kalitatea gutxitzea" ekarriko duelako aitzakiari.

Lan gainkargari buruz, berriz, NMSk adierazi du Osasun Sailak erabakiak modu autonomoan hartzeko aukera duen "puntu bakarra" dela, baina "oraindik ez da onartzen Greba Batzordearen erreklamazio nagusia, eta ezin da inola ere, bizi larrialdietatik kanpo, ezarritako agendaren gainetik dagoen hitzordu bat behartu medikuaren baimenik gabe".

Azkenik, eszedentziei buruzko aurrekontuari eustea aurpegiratu diote Osasun Sailari, izan ere, "medikuak baztertzen eta zigortzen ditu gainerako foru funtzionarioen aurrean borondatezko eszedentzia hartzeko orduan", argudiatuz "plaza irabazi eta hartu nahi ez duten medikuek lan handia ematen dutela eta lanpostua blokeatzen dutela".

Alderdien balorazioa

Radio Euskadin egindako adierazpenetan, PSNk Osasun Sailaren lana defendatu du, eta bide onera iristea espero du.

Navarra Sumatik Nafarroako Gobernuak osasun sistema publikoak eraman duen egoera "prekarioa" kritikatu dute, eta ukatu egin dute Gobernuak eta Medikuen Sindikatuak negoziatzen ari diren akordioa babestea erabaki dutenik.

Geroa Baik, EH Bilduk eta Izquierda-Ezkerrak kritikatu egin dute Gobernuak medikuen esklusibotasuna ezabatzea, uste baitute hori ez dela osasun sistemak duen oinarrizkoo arazoaren konponbidea. Irtenbide globalagoa eskatu dute; erizainen, zelarien eta Osasunbideko beste kide batzuen lan baldintzak ere hobetuko dituena.

Hau zure interesekoa bada, baliteke beste gai hauek ere izatea
Albisteak Nafarroa Grebak Lana berriak Gizartea bideoak Ekonomia Gaurko titularrak Albisteak Nafarroako Gobernua albisteak Osasun albisteak Medikuak Lan gatazkak albisteak gaur Osasunbidea