Gizartea -

Ezbeharra

95 urteko gizon bat hil da Bilbon, bere etxebizitzak su hartu ostean

Udaltzainek eta suhiltzaileek gizonezkoa bizirik ateratzea lortu dute, baina handik ordu gutxira hil da Gurutzetako ospitalean.

Bilbon su hartu duen etxebizitza. Argazkia: EITB Media
Bilbon su hartu duen etxebizitza. Argazkia: EITB Media
Bilbon su hartu duen etxebizitza. Argazkia: EITB Media

I. R. | EITB MEDIA

Whatsapp Facebook Twitter Telegram Email

95 urteko adineko bat hil da gaur goizaldean Bilbon, bere etxebizitzak su hartu ostean, Eusko Jaurlaritzako Segurtasun Sailak baieztatu duenez. Gizona Campo Volantin kaleko pisu batean bizi zen, eta sutea izan da oraindik ezagutzen ez diren arrazoiengatik.

Ezbeharra goizaldeko 02:00ak aldera gertatu da, eta Udaltzaingoaren patruilak eta suhiltzaileak bertaratu dira, sua itzali eta bizilaguna su hartu duen etxebizitzatik ateratzeko. Larri eraman dute Gurutzetako ospitalera, baina handik ordu gutxira hil da.

Iturrien arabera, suteak eragindako kea dela eta, beste bi etxebizitza hustu behar izan dituzte, baina ez dute kalterik izan eta gutxira auzokideak horietara bueltatzeko aukera izan dute. Gaur, suhiltzaileetako teknikariak eraikinera joango dira etxebizitza ikuskatzera eta sutearen arrazoiak zehaztera.

Hau zure interesekoa bada, baliteke beste gai hauek ere izatea
Bilbo Suteak Gizartea Eguneko albisteak Albisteak Pertsona edadetuak