Gizartea
Zirkulazio istripua
Legorretako istripuan inplikatutako ibilgailuaren gidaria atxilotu du Ertzaintzak
EITB MEDIA
Istripua igandean gertatu zen, N-I errepidean, eta hiru pertsona hil dira horren ondorioz.
-
N-1 errepidea Legorreta parean
Gipuzkoako Trafikoko Lurralde Unitateko ertzainek 36 urteko gidaria atxilotu dute gaur, asteartea, igandean, N-I errepidean, Legorreta parean, izandako istripuan parte hartzea egotzita.
Istripua igande gauerdian gertatu zen, 00:05 inguruan. Bi autok elkar jo zuten ibilgailuetako bat kontrako noranzkoan zihoala.
Ezbeharraren ondorioz, hiru pertsona hil eta bi zauritu ziren, gidarietako bat tartean. Ertzaintzak ikerketa abiatu du atxilotutako gidaria eta furgonetako gidaria zein baldintzatan zihoazen argitzeko.
