Gizartea -

HEZKUNTZA

Steilasek eta Ehigek unibertsitatez kanpoko ikastetxeen sarea antolatzeko dekretua inpugnatu dute

Bi eragile horien arabera, Eusko Jaurlaritzak otsailaren 28an onartutako dekretuak titulartasun publikoko eta pribatuko ikastetxeak "berdindu" nahi ditu.

Steilas eta Ehige gaurko prentsa agerraldian. Argazkia: Steilas
Steilas eta Ehige gaurko prentsa agerraldian. Argazkia: Steilas
Steilas eta Ehige gaurko prentsa agerraldian. Argazkia: Steilas

AGENTZIAK | EITB Media

Whatsapp Facebook Twitter Telegram Email

Steilas sindikatuak eta Ehige Euskal Herriko Ikasleen Gurasoen Elkarteak EAEko Justizia Auzitegi Nagusira jo dute, EAEko unibertsitatez kanpoko ikastetxeen sarea antolatzeko eta planifikatzeko irizpideak ezartzen dituen otsailaren 28ko dekretuaren aurka. Salatu dutenez, legearen aurkakoa da eta titulartasun publikoko eta pribatuko ikastetxeak "berdindu" nahi ditu. 

Bi eragileetako ordezkariek gaur goizean Bilbon eskaini duten prentsaurrekoan azaldu dutenez, dekretuaren hainbat elementu "legearen aurkakoak" dira.

Zehazki, hiru puntu aipatu dituzte: lehenik, ez ditu bermatzen plaza publikoak; bigarrenik, arau oinarririk ez duen Euskal Hezkuntza Zerbitzuak oinarritzen da, eta, hirugarrenik, eragileen parte hartzea murrizten du. 

Gaineratu dutenez, Euskadiko Aholku Batzorde Juridikoak berak eta Eusko Jaurlaritzaren Zerbitzu Juridikoak ere auzitan jarri dute ikastetxeen sarea antolatzeko eta planifikatzeko irizpideak ezartzen dituen dekretuaren legezkotasuna.

Amaitzeko, "legearen aurkakoak" diren elementu horiek guztiak EAEko Hezkuntza Lege proiektuan errepikatzen direla azpimarratu dute.

Hau zure interesekoa bada, baliteke beste gai hauek ere izatea
Heziberri hezkuntza plana Euskal Eskola Publikoa argazkiak Gizartea Eguneko albisteak Albisteak Hezkuntzako albisteak 2024 Sindikatuen albistea Steilas azken ordukoa