Gizartea -

Indarkeria matxista

Buruko kolpe batez hildako emakumearen senarra atxilotu dute Sevillan

Gizona, biktimaren bikotekidea, udalerrian bertan zegoen "ezkutatuta".

Agentziak | EITB Media

Whatsapp Facebook Twitter Telegram Email

Guardia Zibilak 22 urteko neska nikaraguar baten hilketa matxista posiblearen ustezko egilea atxilotu du Utreran (Sevilla). Bere ahizparekin eta beste pertsona batekin bizi zen, 2018an Espainian erbesteratutako nazionalitate horretako herritarren harrera etxe batean, "herrialdearen egoeragatik". Atxilotua, biktimaren bikotekidea, udalerrian bertan "ezkutatuta" zegoen.

Emakumearen gorpua goizaldean aurkitu zuten etxebizitzan, buruan kolpe handia zuela. Larrialdi zerbitzuetara deitu zuen herriko bizilagun batek, biktimaren ahizparen oihuak entzun ondoren. Antza denez, hark aurkitu zuen gorpua.

Biktima eta haren senarra ez zeuden Genero Indarkeriako Kasuen Jarraipen Integraleko Espainiako Sisteman (VioGén), eta ez zuten aurrekaririk gizarte zerbitzuetan.

Hilketa matxista izan dela baieztatuz gero, 32 emakume hil dira aurten genero indarkeriagatik Espainiako Estatuan; 1.216, guztira, 2003tik.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Andaluzia Tratu txarrak gaur Gizartea Genero indarkeriaren biktimak Gaurko titularrak Gaurko azken orduko albistea Matxismoa