Gizartea -
INDARKERIA MATXISTA
Gizon batek bikotekidea hil du Orihuelan (Alacant)
Guardia Zibila kasua ikertzen ari da, eta adierazi du ez dagoela genero-indarkeriako aurrekaririk.
AGENTZIAK | EITB MEDIA
Guardia Zibilak 82 urteko gizon bat atxilotu du gaur, irailak 15, ostirala, Orihuelan (Alacant), 76 urteko emaztea hiltzea egotzita.
Orihuelako etxebizitza batean genero-indarkeriako ustezko delitu baten berri izan dute gaur, 07:40an, eta bertaratu direnean, emakumea hilda aurkitu dute. Gorpuak lesioak omen zituen, arma zuri batez egindakoak antza, aipatutako iturrien arabera.
Ikerketa abiatu dute, genero-indarkeriako ustezko delitua argitzeko. Guardia Zibileko iturriek baieztatu dutenez, ez zegoen genero-indarkeriaren inolako aurrekaririk.
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
