Gizartea -
Bizkaia
Sutea piztu da hondakinak biltzeko enpresa batean, Bilboko Portuan
Ez da zauriturik izan eta, dirudienez, ez dago sugarrak zabaltzeko arriskurik. Kea itsasorantz abiatu da, haizeak lagunduta. Arratsaldean geratu da sutea guztiz itzalita.
AGENTZIAK | EITB MEDIA
Urioste, Artaza eta Derioko suhiltzaileak lanean ibili dira igande goiz honetan Bilboko Portuko enpresa batean piztutako sute bat itzaltzeko, Bizkaiko Foru Aldundiko iturriek jakinarazi dutenez. Ez da zauriturik izan eta, dirudienez, ez da izan sugarrak zabaltzeko arriskurik.
Sutea 08:10ean piztu da hondakinak biltzen dituen Prezero enpresa barruan. Handik bi ordura, kontrolpean hartu dute suhiltzaileek, baina arratsaldera arte ez da guztiz itzalita geratu.
400 metro karratuko pabilioi batean hasi da sutea. Fatxadaren parte bat behera etorri da. Ke-zutabea itsasorantz abiatu da, haizeak lagunduta.