Hiru tona kokainaz kargatutako barku bat gelditu dute Cadizen

"Espartar Operazioa"rekin, Polizia Nazionalak kolpe handi bat eman du nazioarteko narkotrafikoaren aurkako borrokan, droga-trafikatzaile galiziar batzuentzat zuzendutako “purutasun handiko” hiru tona kokaina garraiatzen zuen merkantzia-ontzi bat gelditu baitu Cadizen.

Jatorri kolonbiarra duen eta Madrilen finkatuta dagoen Velez klanak gestionatutako kargamentua Bulgariako herritar batzuen eskuetan zegoen. Hegoamerikan jaso ondoren, horiek ziren merkantzia Galiziara arte onik eramateko arduradunak.

Ignacio Cosido Polizia Nazionalaren zuzendari nagusiak eta Eloy Quiros Udyco egoitza zentraleko polizia-komisarioak kazetariei azaldu dietenez, ikerketa orain dela zortzi hilabete abiatu zuten, eta horri esker ustezko lau galiziar narkotrafikatzaile, kolonbiar jatorrizko sei pertsona eta “SV. Nicolay” izeneko ontzian zihoazen beste 21 tripulatzaile bulgariarrak atxilotu dituzte.

Dirudienez, Bulgariako Poliziak operario horrekin zerikusia duten herrialde horretako beste hainbat pertsona atxilotzen dabil uneotan, eta ez da baztertzen Estatuan ere atxiloketa gehiago izatea.

Beste herrialde batzuen laguntza

Zehaztu dutenez, merkantzia-ontzia Karibeko uretan kargatu zuten, bertako herrialdetako eskumeneko uretatik urrun, eta GEOek Cadizen antzeman dute, kostatik 50 miliatara zegoenean. “Zauriturik gabeko” operazio horretarako, Armadaren “beharrezko laguntza” jaso zuten agenteek.

Cosidok nabarmendu nahi izan duenez, operazioa Polizia Nazionalaren talde ezberdinen eta baita Bulgariako Poliziaren eta Italiako Poliziaren Finantza Taldearen elkarlanari esker atera ahal izan dute aurrera.

"Espartar Operazioa"rekin, Polizia Nazionalak kolpe handi bat eman du nazioarteko narkotrafikoaren aurkako borrokan, droga-trafikatzaile galiziar batzuentzat zuzendutako “purutasun handiko” hiru tona kokaina garraiatzen zuen merkantzia-ontzi bat gelditu baitu Cadizen.Jatorri kolonbiarra duen eta Madrilen finkatuta dagoen Velez klanak gestionatutako kargamentua Bulgariako herritar batzuen eskuetan zegoen. Hegoamerikan jaso ondoren, horiek ziren merkantzia Galiziara arte onik eramateko arduradunak.Ignacio Cosido Polizia Nazionalaren zuzendari nagusiak eta Eloy Quiros Udyco egoitza zentraleko polizia-komisarioak kazetariei azaldu dietenez, ikerketa orain dela zortzi hilabete abiatu zuten, eta horri esker ustezko lau galiziar narkotrafikatzaile, kolonbiar jatorrizko sei pertsona eta “SV. Nicolay” izeneko ontzian zihoazen beste 21 tripulatzaile bulgariarrak atxilotu dituzte.Dirudienez, Bulgariako Poliziak operario horrekin zerikusia duten herrialde horretako beste hainbat pertsona atxilotzen dabil uneotan, eta ez da baztertzen Estatuan ere atxiloketa gehiago izatea.Beste herrialde batzuen laguntzaZehaztu dutenez, merkantzia-ontzia Karibeko uretan kargatu zuten, bertako herrialdetako eskumeneko uretatik urrun, eta GEOek Cadizen antzeman dute, kostatik 50 miliatara zegoenean. “Zauriturik gabeko” operazio horretarako, Armadaren “beharrezko laguntza” jaso zuten agenteek.Cosidok nabarmendu nahi izan duenez, operazioa Polizia Nazionalaren talde ezberdinen eta baita Bulgariako Poliziaren eta Italiako Poliziaren Finantza Taldearen elkarlanari esker atera ahal izan dute aurrera.