Gizartea -

Indarkeria matxista

Espetxera bidali dute Gasteizen atxilotutako gizona, bikotekide ohia bahitu eta sexu-erasoa egitea egotzita

Astelehen goizaldean axilotutako gizonari genero-indarkeria delitua, sexu-erasoa eta urruntze-agindua urratzea leporatu dizkiote.

Atxilotua, Gasteizen. Argazkia: EFE
Atxilotua, Gasteizen. Argazkia: EFE
Atxilotua, Gasteizen. Argazkia: EFE

EITB Media

Whatsapp Facebook Twitter Telegram Email

Gasteizen bikotekide ohia bahitu, atxiki eta erasotzeagatik astelehenean atxilotutako 41 urteko gizona espetxera bidali dute, gaur goizean Gasteizko Emakumeen aurkako Indarkeriaren arloko Epaitegiaren esku utzi ostean, Eusko Jaurlaritzako Segurtasun Sailak jakitera eman duenez.

Genero-indarkeria delitua, sexu-erasoa eta urruntze-agindua urratzea leporatu dizkiote.

Biktimak lonjatik ihes egin eta bikotekide ohiak bertan sexu-erasoa egin ziola salatu ondoren atxilotu zuten ustezko erasotzailea. Atxilotuak biktimarengandik urruntzeko agindua zuen indarrean, baina ez zuen bete.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.

Hau zure interesekoa bada, baliteke beste gai hauek ere izatea
Tratu txarrak Ertzaintza Indarkeria matxista Delituak Bahiketak Gizartea Genero indarkeriaren biktimak Eguneko albisteak Gasteiz Albisteak Matxismoa