Gizartea -
Genero indarkeria
Gizon bat atxilotu dute Gasteizen, bikotekidea erasotu eta mehatxatzeagatik
Hiriko establezimendu batean izandako eztabaida baten ondoren atxilotu zuten gizonezkoa udaltzainek.
Agentziak | EITB Media
Gasteizko Udalak jakinarazi duenez, hiriko Udaltzaingoak 31 urteko gizon bat atxilotu du, establezimendu publiko batean izandako eztabaida batean, bikotekideari mehatxu eta eraso egiteagatik.
Atxiloketa joan zen ostiralean, abuztuaren 16an, izan zen, goizeko 11:00etan, Gasteizko establezimendu publiko batean, Udalak ohar bidez jakinarazi duenez.
Udaltzainek gizona atxilotu zuten, genero-indarkeriako delitu bat egotzita. Bikotekidearekin eztabaida labur bat izan ondoren, atxilotuak mehatxu larriak egin zizkion eta eraso egin zion hainbat lekukoren aurrean.
Hau zure interesekoa bada, baliteke beste gai hauek ere izatea