Gizartea -
Erasoa Beasainen
Bikotekideari labankada ematen saiatu zen gizona espetxean sartu dute
Emakumeak kolpe ugari jaso zituen eta besoan ebaki bat jasan zuen. Erasotzailea Martuteneko espetxean sartu dute.
Erredakzioa
Igande honetan epailearen aurretik pasatu ostean, Ertzaintzak atzo Beasainen atxilotu zuen 42 urteko gizonezkoa espetxean sartu dute bikotekideari eraso egiteagatik.
Larunbat honetan gertatu da erasoa Beasainen. Erasotzailea edana zegoen eta bikotekidea gelan ezkutatu zen. Hala ere, atea hautsi eta sukaldeko laban batekin eraso egiten saiatu zen. Gainera, hainbat kolpe eman zizkion.
Ertzaintzak atxilotu egin zuen geroago, eta igande goizean epailearen aurretik pasatu du Tolosako epaitegian. 14:00ak aldera Martuteneko espetxera eraman dute.
Erlazionatutako edukiak
Hau zure interesekoa bada, baliteke beste gai hauek ere izatea