Chavezen gorputza kristalezko kutxa batean baltsamatu egingo dute

Hugo Chavez presidentearen gorputza "betirako" kristalezko kutxa batean baltsamatu egingo dutela iragarri du gaur Venezuelako Gobernuak.

"Herriari eta munduari esan nahi diet (...) komandante presidentearen gorputza baltsamatzeko prestatzea erabaki da, betirako ikusgai izateko, herriak bertan ikusi ahal izateko", adierazi du Madurok Estatuko telebistan.

Presidentearen gorpuzkiak Mendiko Kuartelera eramango dituztela iragarri du Madurok Akademia Militarrean. Chavezek Carlos Andres Perezen aurkako Estatu-kolpe saiakera Mendiko Kuarteletik zuzendu zuen 1992an.

Chavezen gorputza gutxienez beste zazpi egun gehiago bisitatzeko aukera izango dute herritarrek, Madurok iragarri duenez.