Homosexualen ezkontzak debekatu ditu Kroaziak

Kroaziak referendumean erabakitakoaren arabera, ezkontzak gizonezkoen eta emakumezkoen artean bakarrik egin ahal direla adierazi beharko du Konstituzioak. Galdeketa elkarte katoliko batek 740.000 sinadura biltzearen ondorioz egin behar izan dute eta homosexualek diskriminazioa bultzatzen duela salatu dute.

Ezkontzak heterosexualei mugatzen dituen erreforma konstituzionalak hautesleen % 64,84ren babesa jaso du. % 35,56k, berriz, kontra egin du, lehen datu ofizialen arabera.

Hauteskunde Batzordeak iragarri duenez, parte-hartzea ez da % 40ra iritsi.

Egungo legediari jarraituta, emaitza baliagarria izateko nahikoa da gehiengo sinplea lortzea, eta parte-hartzeak ez du horretan eraginik.

Familiaren Legeak egun Kroazian ezkontzei jarritako muga berretsi egin du referendumaren emaitzak .

Elkarte katoliko batek 740.000 sinadura bildu eta Gobernuak galdeketa antolatu behar izan du, nahiz eta referenduma homofoboa dela pentsatu.