3 urteko neskato bat hil da Gazako Zerrendan israeldarren eraso batean

Bi palestinar hil dira gaur Gazako Zerrendan, horien artean 3 urteko neska bat eta 22 urteko gazte bat, Israelgo armadaren erasoaren ostean, Maan albiste agentzia palestinarrak jakinarazi duenez.

Neskatoa Hala Abu Sbeija du izena, eta Israelgo armadak Al Maghazi errefuxiatuen kanpalekua bonbardatu ostean hil da. Erasoan neskatoaren neba bat eta ama zauritu dira ere, Osasun Ministerioko bozeramaile batek azaldu duenez.

Israelek Gazako Zerrenda bonbardatu du israeldar baten heriotzari erantzuteko. Izan ere, gaur goizean 22 urteko gazte israeldar bat tiroz hil dute. Harresia konpontzen ari zen, eta franko-tiratzaile batek tirokatu du.

Gainera, Zerrendan 18 urteko gazte palestinar bat hil dute soldadu israeldarrek. Diotenez, modu dudakorrean gerturatu delako harresira, eta tirokatu dute.