Mundua -

Krisia Ukrainan

Ukrainako Defentsa ministroak dimisioa eman du Parlamentuan

Armada ukrainarrak Krimean zituen ia itsasontzi guztiak galdu eta gero hartu du erabakia ministroak. Diputatuen gehiengoak dimisioaren kontra bozkatu du.

Errusiar soldadu bat, Krimean. Irudia: EFE
Errusiar soldadu bat, Krimean. Irudia: EFE
Ukrainako Defentsa Ministroa kargutik kendu du Parlamentuak

1:18

Erredakzioa

Whatsapp Facebook Twitter Telegram Email

Igor Teniuj Ukrainako Defentsa ministroak dimisioa aurkeztu du Rada Gorenean (Parlamentuan), Ukrainako Armadak Krimean zituen ia itsasontzi guztiak galdu eta gero. Ganberan zeuden diputatuen gehiengoak, baina, ministroak aurkeztutako dimisioaren kontra bozkatu du.

"Batzuei nik hartutako erabakiak gustatu ez zaizkienez, ez naiz nire karguan errotuta geratuko", esan du Teniuj Parlamentuaren aurrean egindako hitzaldian, Oleksandr Turtxynov Ukrainako behin-behineko presidenteak indar militarrei Krimeatik alde egiteko agindu eta hurrengo egunean.

"Herrialdeko agintariek bestelako ikuspuntu eta hautagairik badute, nik, Defentsa ministroak, Teniuj jeneralak, dimisioa aurkeztuko dut", adierazi du. Bozketan, ordea, 197k dimisioaren alde bozkatu dute, baina dimisioa onartzeko 226 behar dira gutxienez.

Errusiako Armadak Ukrainako Itsas Armadako Infanteriaren eraikin bat hartu zuen atzo Feodosian (Krimea). Eraso egin eta Ukrainako Armadako hainbat soldadu zauritu eta gatibu hartu zituzten.

Ukrainako Itsas Armadako Infanteriak ez zuen armarik gabe etxea utzi nahi, eta horren berri izan ostean etorri zen erasoa, Ukrainako Defentsa Ministerioaren bozeramaile batek adierazi zuenez.

Hau zure interesekoa bada, baliteke beste gai hauek ere izatea
Munduko azken orduko albisteak Albisteak Krimea Ukraina Errusia berriak Gaurko titularrak Gaurko azken orduko albistea Errusia-Ukraina gerra