Mladicen defentsak ukatu egin du zibilen aurkako berariazko erasoa

Ratko Mladic jeneral ohiaren defentsak deitutako lehen lekukoak ukatu egin du zibilen aurka nahita erasorik egin izana Sarajevo hiriko setioan (1992-1996). Guztira, 10.000 bat zibil hil ziren bertan.

Genodizioa eta gerra-krimenak leporatzen dizkiote Mladici, eta haren kontrako epaiketan, defentsak deitutako lekukoen testigantzak abiatu dituzte astelehen honetan. 300 lekuko inguru izango dira bertan.

Mile Sladoje Srpskako Armadako komandante ohiak deklaratu duenez, bere herriaren defentsan jardun zuten eta ez zuten berariaz zibilen kontrako erasorik egin. ''Inoiz ez genuen zibilei eraso egitekoa agindurik jaso'', esan du.