Obamak aukerak irekita, muturreko kideek aurrera egitearen aurka

Barack Obama AEBetako presidenteak ostegun honetan ez du "aukera bat bera ere baztertu" Iraken islamiar erradikalek aurrera egitea ekiditeko eta Nuri al Maliki herrialdeko lehen ministroaren Gobernuari laguntzeko, modurik eraginkorrenean.

Presidenteak Tony Abbott Australiako lehen ministroarekin bildu baino lehenago prentsaurreko bat eman du, eta Irak "larrialdiko egoeran" dagoela nabarmendu du. Estatu Batuek "laguntza eraginkorrena nola eman bilatuko dute", azaldu du.

"Ez dugu ezer baztertu yihadistek euren presentzia Iraken egonkortzea ez lortzeko", esan du.

Obamaren hitzetan, "akzio militar jakin batzuk behar dira berehala eta geure segurtasun nazionaleko taldeak aukera guztiak aztertuko ditu".

Era berean, egoerari irtenbide bat jartzeko "osagai politikoak" egon behar duela adierazi du, baita nazioarteko komunitatearen laguntza handiagoa ere.

Irakeko hegazkin batek yihadistek hartutako Samen jauregia bonbardatu dute

Aviación iraquí bombardea palacios de Sadam ocupados por yihadistas

Bitartean, Irakeko abiazioak Sadam Husein buruzagi zenaren jauregia bonbardatu dute gaur, Badgad iparraldean.

Kurduek Kirkuk hiriaren kontrola hartu dute

Tropa kurduek ("peshmergak") Kirkuk hiria hartu dute, Irakeko armadak eta polizia federalak hiria utzi ostean.

Irakeko indar armatuek Kirkuketik eta Irak iparraldeko beste hainbat tokitatik atzera egin dute azkenaldian, matxinatu sunien erasoaldien ondorioz. Hauek Kirkuk probintziako hainbat esparru hartu dituzte.

Bagdaden iparraldean, 250 kilometrora, dago kokatuta Kirkuk, eta arabiarrek, kurduek eta turkmenistandarrek nahi dute.

Kurduak dira hiriaren biztanle gehienak, eta Irakeko Kurdistan osatzen duten hiru probintzietara anexionatu nahi dute Kirkuk. Arabiarrak eta turkmendistarrak gutxiengoak dira hirian, eta horren aurka daude, baita Bagdad ere.

Kirkuk ez da tropa irakiarrek utzi duten lehen hiria. Asteartean antzeko zerbait gertatu zen Mosulen, herrialdeko bigarren hirian.