Itxi

2014/08/11

21:07

Mundua

Krisia Ukrainako ekialdean

Ukrainara konboi humanitario bat bidaliko du Putinek

Erredakzioa

Konboia bidali behar duela iragarri du Errusiako presidenteak, nahiz eta AEB eta Europar Batasuna mesfidati agertu; izan ere, esku-hartze armatua aurrera eramateko aitzakia izan daitekeela uste dute.

  • Soldadu bat Donetsken. Argazkia: EFE

    Soldadu bat Donetsken. Argazkia: EFE

  • Whatsapp
  • Whatsapp
  • Telegram
  • Bidali

Ukrainako ekialdera konboi humanitario bat bidaliko duela iragarri du gaur Vladimir Putin Errusiako presidenteak, nahiz eta AEB eta Europar Batasuna mesfidati agertu; izan ere, esku-hartze armatua aurrera eramateko Moskuren aitzakia izan daitekeela uste dute.

"Nazioarteko Gurutze Gorriaren ordezkariekin lankidetzan, Errusiak Ukrainara konboi humanitario bat bidaliko du", azaldu dio Putinek Jose Manuel Durao Barroso Europako Batzordeko presidenteari elkarrizketa telefoniko batean.

Putinen hitzetan, "Kieveko agintariek martxan duten operazio militarrak hondamendia eragin du Ukrainako hego-ekialdean eta gatazka zonaldean laguntza humanitarioa beharrezkoa da".

AEB eta EB

Gurutze Gorriaren Nazioarteko Batzordeak zuzendutako misio humanitario baten alde agertu da Barack Obama AEBetako presidentea, baina ez Errusiak bakarrik gidatuta, Europar Batasunaren eta beste herrialde batzuekin lankidetzan baizik.

Errusiak bidalitako laguntza humanitarioaren helmuga Lugansk hiri matxinoa izango litzateke; izan ere, Kieveko Gobernuaren indarrek inguratuta dute. Asteak setiatuta daramatza eta hirian ez dago argindarrik, urik, ezta gasik ere. Gainera, elikagaien urritasuna kezkagarria da.

Bestalde, Brusela laguntza humanitarioan Ukrainari 2,5 milioi euro emateko prest dagoela adierazi du Barrosok. Laguntza koordinatzeko eta errefuxiatuen lekualdatzea antolatzeko mekanismo bat sortzea eskatu du.

  • Hau zure interesekoa bada, baliteke beste gai hauek ere izatea:
  • Ukraina 2021
  • Bisitatuena

      Kargatzen ikusiena
      Kargatzen ikusiena
    ;