Mundua -
Honduras
Miss Mundurako Hondurasko hautagaia hilda aurkitu dute
Haren ahizpa ere hilda aurkitu dute. Biak azaroaren 13az geroztik desagertuta zeuden.
Erredakzioa
Maria Jose Alvarado Miss Mundo 2014 lehiaketarako Hondurasen hautagaia eta haren ahizpa, Sofia Trinidad, hilda aurkitu dituzte asteazken honetan Arada herrian, mendebaldeko Santa Barbara departamenduan, Leandro Osorio Honduraseko Ikerketa Kriminaleko Zuzendaritzako buruak jakinarazi duenez.
Sei egunez desagertuta egon ostean, azken aldiz ikusi zituzten bainuetxearen inguruko ukuiluan aurkitu dituzte gorpuak, erdi lurperatuta.
Gorpuen alboan hilketak egiteko ustez erabilitako armak eta desagertu aurretik erabili zuten autoa aurkitu dituzte. Honduraseko Poliziak bildutako lehen datuen arabera, tiroz hil zituzten Aguagua ibaiaren ertzean desagertu ziren egunean bertan.
Sofia Trinidaden mutil laguna da susmagarri nagusia
Asteartean Honduraseko Poliziak Plutarco Antonio Ruiz, Sofia Trinidad Alvaradoren mutil laguna, atxilotu zuen asteartean, eta suzko bi arma eta bi ibilgailu atzeman zizkioten.
Lehen ikerketen arabera, Plutarco Antonio Ruiz da susmagarri nagusia.