Mundua -
Gertakizuna
Alemaniako emakume batek aitortu egin du 'zenbait' jaioberri hil izana
Horren etxebizitzan zortzi haur jaioberriren gorpuak aurkitu dituzte. Andrea atxilotu egin dute.
AGENTZIAK | ERREDAKZIOA
Berrogeita bost urteko emakumezko alemaniar batek aitortu egin du "zenbait" seme-alaba jaioberri hil dituela, erditu bezain pronto.
Andrea atzo atxilotu zuten, horren etxebizitzan zortzi haur jaioberriren gorpuak aurkitu baitzituzten. Epaileak behin-behinean kartzelatu du, hainbat hilketa egitea egotzita.
Kasu hau ez da Alemanian jazotako lehena. Izan ere, 2005ean, emakume batek bederatzi seme-alaba jaioberri hil zituen, eta gorpuak loreontzitan ezkutatu zituen. Auziak hunkitu egin zuen alemaniar gizartea.
Emakumeari 15 urteko espetxe zigorri ezarri zioten.