Hauteskundeen azken jardunaldia dute gaur Italian

Hauteskunde eskoletako ateak ireki dituzte gaur 08:00etan Italian, udal, eskualde eta probintzia hauteskundeetako bigarren jardunaldian, abstentzio handiaren itzalpean.

Atzo hautesleriaren % 46,2 bertaratu zen hauteskunde-eskoletara; 2005eko udal, probintzia eta eskualde hauteskundeetan baino % 9 gutxiago.

Abstentzio handiena Lazion, Erroma hiriburu duen eskualdean, izan da hautesleriaren % 43,4 soilik bozkatu baitzuen atzo, 2005eko hauteskundeetan baino % 12 gutxiago (% 55,8).

Silvio Berlusconi Italiako Gobernuko presidenteak aurreikusi zuen abstentzioa handia izan zitekeela eta, horregatik, hautesleriari botoa ematera joateko deia egin zion, izan ere, abstentzioak zentro-ezkerrari mesede egingo diola uste du.

49.862 hauteskunde eskolak 15:00etan itxiko dituzte.

Hauteskundeotarako 41 milioi italiar daude deituta eta 13 eskualdetako presidenteak, lau probintziatakoak eta 462 udalerritako alkateak hautatuko dituzte.