Sei gorpu berreskuratu eta 1.164 pertsona erreskatatu dituzte itsasoan

Italiako kostazainen arabera, azken orduetan sei gorpu berreskuratu eta 1.164 pertsona erreskatatu dituzte Mediterraneo itsasoan noraezean zihoazen hainbat ontzitan.

Kostazainek ohar bidez azaldu dutenez, Azpiegitura eta Garraio Ministerioaren mendean dagoen Kostazainen Operazioetarako Erromako Zentralak zazpi operazio koordinatu ditu. Erreskatatutako guztiak sei txalupa pneumatikotan eta ontzi batean zihoazen.

Erreskate-operazio horietan, Mugarik Gabeko Medikuak gobernuz kanpoko erakundeak, Italiako Itsas Armadak eta EunavforMed EBko Europar Batasuneko dispositiboko patruila batek parte hartu dute.

Migraziorako Nazioarteko Erakundearen esanetan, guztira, 4.175 errefuxiatu eta migratzaile hil dira aurten Mediterraneo itsasoan Europarako bidean, iaz baino 1.600 gehiago.