Mundua -
Baieztapen ofizialaren zain
Lourdes Morro mallorcarraren gorpua identifikatu du lagun batek
Senideek badakite Lourdesen lagunak gorpua identifikatu duela, baina heriotzaren baieztapen ofizialaren zain daude.
Erredakzioa
Joan den abuztuaren 6an Lehn (India) desagertutako Lourdes Morro mallorcarraren gorpua identifikatu du lagun batek, senideek Europa Press-i jakinarazi diotenez.
Ildo horretan, bere ahizparen, Angels Morroren hitzetan, senideek badakite Lourdesen lagunak gorpua identifikatu duela, baina Espainiako Enbaxadaren (Indian) heriotzaren baieztapen ofizialaren zain daude.
Oraingoz Espainiako Atzerri Arazoetako Ministerioak ere ez du baieztapen ofizialik. Lourdes Morro mallorkarra lokatz-jauzi batek eraman zuen abuztuaren 6an. Ordutik airez eta lurrez aritu izan dira bere bila.
Froga guztiak egin arte ezin izango dute esan Lourdes Morroren gorpua den ala ez.
Morro eta bere senarra, Rafael Roca, Himalayako Hinju bailaran kanpatuak zeuden lokatz-jauziak harrapatu zituenean. Beraien bila bi egunez aritu ostean Roca hanka batean arin zaurituta aurkitu zuten eta New Delhiko ospitale batera eraman zuten; joan den asteburuan ospitaletik atera zen.
