Sei matxinatu hil dira NATOren aurkako erasoan

Gutxienez sei matxinatu hil dira ISAFeko basearen kontrako erasoan, Nangarharen (Afganistan), bertako poliziek jakinarazi dutenez.

Erasoa goizeko lehen orduetan eman da Behsudeko barrutian (Afganistan), sei matxinatu suizidak ISAFen (NATOk Afganistanen duen misioa) basearen aurkako erasoa hasi dutenean.

ISAFek zortzi matxinatu hil direla esan du, eta hasierako datuen arabera, soldaduen artean ez dela bajarik eman ziurtatu du.

Azkeneko hilabeteetan talibanek armada internazionalaren konboi, base eta aireportuei hainbat eraso egin dizkiete Afganistango ingurabideetan.