Mundua -
Gatazka
Lau palestinar hil eta 600 baino gehiago zauritu dira Gazako protestetan
10.000 palestinarrek hartu dute parte ostiral honetako mobilizazioetan, Gazako Zerrendako bost lekutan.
Agentziak | Erredakzioa
Lau pertsona hil dira Israelgo segurtasun-indarren errepresioaren ondorioz, Gazako Zerrendako mugan izan diren protestetan, Palestinako iturrien arabera. Horien artean 15 urteko pertsona bat dagoela adierazi dute.
Gainera, Gazako Segurtasun Ministerioak azaldu duenez, 620 pertsona inguru zauritu dira, suteengatik eta gas negar-eragilea arnasteagatik.
Horrez gain, zaurituen artean 50 adingabe daudela zehaztu dute. AFP albiste-agentziako argazkilari bat ere badago.
Ismail Haniye Erresistentzia Islamikoaren Mugimenduko beso politikoko buruak ostegunean azaldu zuenez, protestek "jarraitu egingo dute, Jerusalem aske geratu eta Gazako blokeoa amaitu arte".
10.000 palestinarrek hartu dute parte ostiral honetako mobilizazioetan, Gazako Zerrendako bost lekutan, Israelgo Armadak Twitterren jakitera eman duenez.
