Mundua -
HERBEHEREAK
Turkiako gizon baten bila ari dira Utrechteko tiroketarekin harremana duelakoan
Poliziak esan du eraso terrorista bat izan daitekeela, eta terrorismoaren kontrako alerta maila gorena ezarri dute Utrecht eskualde osoan.
agentziak | erredakzioa
Herbehereetako Polizia Gokman Tanis turkiarraren bila ari da, Utrechteko tiroketarekin harremana duelakoan.
Poliziak 37 urteko gizonaren irudia zabaldu du beroki urdin bat jantzita, tranbia baten barruan. Bestalde, Poliziak berarengana ez hurbiltzeko eskatu die herritarrei.
Tiroketa eman den tranbiaren segurtasun kamerek hartu dute irudi hori, Polizaren iturriek Efe albiste agentziari jakinarazi diotenez.
Poliziak ez daki non dagoen erasotzailea; antza, tiroketaren ostean Ranault Clio gorri batean ihes egin du. Herbehereetako Polizia bere bila ari da.
Bestalde, hainbat miaketa egin dituzte tiroketaren gertuko zenbait etxetan, erasotzailea horietako batean egon daitekeela uste baitu Poliziak.
